Tehran-Təl-Əviv münaqişəsinin bitdiyi gün Qəzzada gərginlik yenidən artıb. İsrail mətbuatının yazdığına görə, Xan Yunisdə zirehli maşına pusqu “ağır hadisə” ilə nəticələnib.

Az.rasthaber.com xəbər verir ki, İran-İsrail müharibəsində atəşkəsdən sonra bütün gözlər yenidən Qəzzaya çevrildi. Bu müddət ərzində İsrailin hücumlarını davam etdirdiyi bölgədə HƏMAS döyüşçüləri ilə işğalçı qüvvələr arasında şiddətli qarşıdurmalar davam edir.

İsrail ordusu çərşənbə günü Qəzzada biri zabit olmaqla 7 əsgərin həyatını itirdiyini açıqlayıb. Məlumata görə, insident çərşənbə axşamı günorta Qəzzanın cənubundakı Xan Yunisdə baş verib.

İlkin araşdırmalara görə, müqavimət döyüşçüləri işğal qüvvələrinə məxsus “Puma” zirehli transportyorunun üzərinə partlayıcı qurğu yerləşdiriblər. Partlayıcı işə salındıqda avtomobildə İsrail ordusunun 605-ci Mühəndislik Batalyonunun əsgərləri olub. Partlayışdan sonra avtomobil və içərisində olan əsgərlər yanıb. Onları müəyyən etmək saatlarla vaxt aparıb.

İsrail mediası Xan Yunisdəki hücumu qiymətləndirərkən "hadisəni həzm etmək çətin olduğunu" vurğuladı.

Həmin gün Xan Yunus bölgəsində baş verən ayrı bir hadisədə 605-ci Batalyonun iki əsgəri RPQ atəşi nəticəsində yaralanıb. Yaralılardan birinin vəziyyətinin ağır olduğu bildirilir.