İsrailin baş naziri Benyamin Netanyahunun müttəfiqləri onu atəşkəs sazişini imzalamağa və Qəzzaya daha çox hücumlar etməyə çağırıblar.

Az.rasthaber.com xəbər verir ki, İsrailin baş naziri Benyamin Netanyahu atəşkəs məsələsində ortada qalıb.

İsrail ictimaiyyəti atəşkəs tələb edərkən, müttəfiqləri ondan Qəzzaya hücumlarını davam etdirməsini tələb edirlər.

Netanyahunun hökumət müttəfiqləri potensial atəşkəs razılaşmasına etiraz edərək, Qəzza zolağına növbəti hücumlara çağırıblar.

HƏMAS-ın atəşkəs təklifinə bir neçə saat ərzində cavab verəcəyi gözlənilsə də, İsrail hökumətinin müttəfiqləri Milli Təhlükəsizlik naziri İtamar Ben-Qvir və maliyyə naziri Bezalel Smotriç Netanyahunu atəşkəs razılaşmasını rədd etməyə və Qəzzaya hücumlar etməyə çağırıb.

Maliyyə naziri Bezalel Smotriç, HƏMAS-ın atəşkəs təklifini rədd etdiyini iddia edərək, razılaşmanın qapısını bağlamaq və İsrail ordusuna Qəzzanı işğal etmək əmrini vermənin vaxtının çatdığını müdafiə edib.

İsrail kabinetinin digər üzvü, Milli Təhlükəsizlik Naziri İtamar Ben-Qvir X hesabında verdiyi açıqlamada potensial atəşkəs razılaşması ilə HƏMAS-a təslim olduqlarını iddia etdi.

Atəşkəs danışıqları ilə HƏMAS-a güzəştə getdiklərini iddia edən və Qəzzaya hücuma çağıran Ben-Qvir deyib: "Bu yolda davam etmək bizi tam qələbəyə aparmayacaq".

İsrail nazirləri Ben-Qvir və Smotriç Qəzza zolağının tam işğalını, fələstinlilərin ərazidən qovulmasını və onun yerində yəhudi qəsəbələrinin salınmasını müdafiə edirlər.