İstanbulun Silivri sahilləri yaxınlığında dünən Mərmərə dənizində baş verən 6,2 bal gücündə zəlzələdən sonra aprelin 24-ü səhərə qədər 266 afterşok qeydə alınıb.

Az.rasthaber.com xəbər verir ki, bu barədə AFAD – Türkiyənin Təbii Fəlakət və Fövqəladə Halların İdarə Edilməsi Qurumu məlumat yayıb.

Qurumun açıqlamasına görə, bu gün saat 09:00-a qədər qeydə alınan afterşoklardan 258-i 0–4 bal arasında, 7-si 4–5 bal arasında, 1-i isə 5 baldan yüksək olub.

Ən son məlumata əsasən, zəlzələ nəticəsində ümumilikdə 236 nəfər müxtəlif dərəcəli xəsarət alıb.