İşğalçı İsrail ordusunun işğal altındakı İordan çayının qərb sahilinin şimalındakı Nur Şəms və Tülkərim qaçqın düşərgələrində fələstinlilərə məxsus 106 binanın sökülməsinə qərar verdiyi bildirilib.

Az.rasthaber.com xəbər verir ki, ordunun verdiyi yazılı açıqlamada sökülməsi planlaşdırılan evlərin göstərildiyi xəritə də yer alıb və sözügedən evlərə qırmızı işarələr vurulub.

İordan çayının qərb sahilindəki ordu komandiri Avi Blutun sırf hərbi məqsədli və səlahiyyətinə əsaslanaraq xəritədə qırmızı ilə işarələnmiş binaların sökülməsi əmrini verdiyi və qərarın verildiyi 1 May tarixindən 24 saat ərzində söküntü əməliyyatlarının başlayacağı bildirilib.

Tülkərim valisi Abdullah Kemil, X hesabında verdiyi açıqlamada, Tulkerim və Nur Şəms qaçqın düşərgələrində 106 binanın sökülməsi qərarını dayandırmaq üçün beynəlxalq ictimaiyyətin "təcili müdaxiləsinə" çağırıb.

“İsrail Tulkərim düşərgəsində 58, Nur Şəmsdə isə 48 binanı sökməyi planlaşdırır, sakinlərə yalnız söküntüdən əvvəl əşyalarını götürməyə icazə verilir”.

Bu ifadəni işlədən Kemil sözügedən düşərgələrdə yaşayan insanların sistemli şəkildə məhv edildiyinə, köç etməyə məcbur edildiyinə, evlərinin sökülərək yandırıldığına diqqət çəkib.

İşğalçı İsrail ordusu 100 gündən artıqdır ki, İordan çayının şimalındakı şəhərlərə və qaçqın düşərgələrinə hücumları zamanı böyük dağıntılara səbəb olub, onlarla fələstinlini şəhid edib və minlərlə fələstinlini qaçmağa məcbur edib.