Az.rasthaber.com xəbər verir ki, Müqəddəs Kazimeyn ziyarətgahında həyata keçirilən tikinti, təmir və yeni layihələrlə tanışlıq aparılıb. Tanışlıq işlərini İmam Cavad və İmam Kazim hərəminin xidmətçisi, Kazimeyn ziyarətgahının baş katibi doktor Heydər Həsən Şəmməri yerində izləyib. Onu bir sıra mühəndis və texniki heyət müşayiət edib.
Hazırda davam edən layihələr ziyarətgahın müqəddəs səhnində və ətrafında infrastrukturun təkmilləşdirilməsi, xidmətlərin genişləndirilməsi və zəvvarlara göstərilən şəraitin yaxşılaşdırılması məqsədini daşıyır. Bu işlər, xüsusilə milyonlarla zəvvarın iştirak etdiyi xüsusi ziyarət günlərində rahatlığın təmin olunması üçün həyata keçirilir.
Tanışlıq zamanı mühəndis və texniki qruplar görülən işlərin mərhələləri barədə məlumat veriblər. Gələcək planlar, növbəti mərhələlər və tətbiq olunacaq texniki standartlar ətrafında fikir mübadiləsi aparılıb.
Doktor Şəmməri layihələrin texniki və icra baxımından irəliləyişindən razılığını ifadə edərək, bir sıra tövsiyələr verib. O, görülən işlərin müqəddəs məkanın ruhuna uyğun, yüksək keyfiyyətli və dəqiq planlaşdırılmış şəkildə aparılmasının vacibliyini vurğulayıb.
